صالح صلاح شبانة
24-01-2009, 09:30 AM
شعبيات الداعي بالخير- 56
لوحات تراثية ووجدانية من وحي القرية وإنسانها
بقلم ووجدان : الداعي بالخير صالح صلاح شبانة
*************************
221- منا ومش منا
مش منا اللي بده مين يقلع له الشوك من إيديه الناعمه ، ويدَّهِن له رجليه بالحليب
مش منا المتخنث ، ومرابط للصبايا الغيد عَ طراف الشوارع ، وجوّه الزواريب
ومش منا اللي بمد إيده عَ صورة شهيد ، يقلعها عن صدر الوطن الغالي الحبيب
ومش منا كل بايع متراخي ، كابب السقاعه عَ خلق الله ، دمه زنخ وغضيب
إحنا منا اللي الوطن مزروع في قلوبهم شجر مثمر ، واللي الرجوله عنوانهم مثل المكاتيب
وكل مكتوب مقري من عنوانه ، واللي بده يشوف اللي مِنّا ، ما يحلاله ويطيب
ومش رح يتعب ولا يحتار ، عنوان الوطن رجال يقعدوا مطرح الشمس لما تغيب
222- نسمه العظيمه
مَرَّت نسمه هذاك اليوم من حد العين ، أبصر رايحه وين ، تلقط لوز ولاَّ تجول قطين
بقت نسمه بهيه ، مشيتها مشية فارس ، مات سيدها سنة السفر برلك في برلين
ومات أبوها فارس بطل ، في ثوره من ها لثورات اللي اشتعلن عَ أرض فلسطين
ومات جوزها شهيد وهو يدافع عن أسوار القدس الشريف سنة السبعه وستين
وابنها أحمد أول شراره ، انحمل لجهه مجهوله ، قديش تحزرتها ، بس مات ورا القضبان سجين
وابنها فؤاد أول ما صارت الإنتفاضه الأولى رمى حجر عَ دوريه حاقده من المحتلين
ووقع شهيد بطل ، وابنها سالم نال الشهاده ، وظلت نسمه جبل ما بنخ ولا بلين
223- حمامة السلام
بقت هالحمامه يا ساده يا كِرام،مغرمه بتعايش سلمي مع الصقور والجوارح اللي إلها مخالب ونياب
مع إنها الحمامه رقيقه ووديعه ، ومرموزه للسلام،عينها مكحله بلا جَرِّة مرود و عَ رجليها خضاب
ومش قدرة مباطحة صقور ونسور،وغربان وعقبان،ولا جراذين مقلعطه ، ولا قدرة حرب واحتراب
وبقت تحلم انه التطبع بلغي الطبع الغدّار، وبحول العداوه حب ، وبخلي المتعاديين أحباب
والمثل قال(ما بصير العدو حبيب غيرتيصير الحمار طبيب)ووين لِحمار من الطب،وشو جاب لجاب قلنالها يا حمامه سيبك من التخريف ، السلام بده عزم وقوه وسلاح ، وزنود وسواعد شباب
وبالعزم يا حمامه والتصميم رح تشوفي كيف نقلع منقار ، ومخلب النسر والصقر ولِعقاب
224-يا عين
يا عين كفي الدمع ، عيب عَ العين تذرف دمع،الدمع وان بلل القلب ما بصنع أمجاد
خبي الدمع جواك ، للنصر ، لحلم الإنسان ، للإراده ، للعزم اللي جوّه البدن وقّاد
مين قال إنه الباطل يكبر ؟؟ ويدوس إرادة شعب ، وانيابه تنز سموم وأحقاد ؟؟
يا عين مش وقت الدمع ، وقت العزم ، وقت العمل ، وقت لِكتابه بالدم بدال المداد
عَ جبين فلسطين العالي الغالي،تاريخ أمه وشعب،تاريخ أرض،تاريخ وطن وبلاد
تاريخ انكتب بدم الشهاده والشهيد ، بدم الجرح والجريح ، بقيد الأسير ومنشار الحداد
بإرادة أمه وشعب آمن إنه مش منا اللي بخل بالدم عَ الأرض وما جاد
تقرأ بلهجة أهل سنجل
كتبت هذه الشعبيات سنة 2000م ، عندما اندلعت انتفاضة الأقصى المباركة ، ولكن ما الفرق ،
انه التاريخ الفلسطيني المضيء بدم الشهادة يتنقل من مكان إلى آخر ، فهذا هو القدر الفلسطيني مقاومة وشهادة إلى ما شاء الله
لوحات تراثية ووجدانية من وحي القرية وإنسانها
بقلم ووجدان : الداعي بالخير صالح صلاح شبانة
*************************
221- منا ومش منا
مش منا اللي بده مين يقلع له الشوك من إيديه الناعمه ، ويدَّهِن له رجليه بالحليب
مش منا المتخنث ، ومرابط للصبايا الغيد عَ طراف الشوارع ، وجوّه الزواريب
ومش منا اللي بمد إيده عَ صورة شهيد ، يقلعها عن صدر الوطن الغالي الحبيب
ومش منا كل بايع متراخي ، كابب السقاعه عَ خلق الله ، دمه زنخ وغضيب
إحنا منا اللي الوطن مزروع في قلوبهم شجر مثمر ، واللي الرجوله عنوانهم مثل المكاتيب
وكل مكتوب مقري من عنوانه ، واللي بده يشوف اللي مِنّا ، ما يحلاله ويطيب
ومش رح يتعب ولا يحتار ، عنوان الوطن رجال يقعدوا مطرح الشمس لما تغيب
222- نسمه العظيمه
مَرَّت نسمه هذاك اليوم من حد العين ، أبصر رايحه وين ، تلقط لوز ولاَّ تجول قطين
بقت نسمه بهيه ، مشيتها مشية فارس ، مات سيدها سنة السفر برلك في برلين
ومات أبوها فارس بطل ، في ثوره من ها لثورات اللي اشتعلن عَ أرض فلسطين
ومات جوزها شهيد وهو يدافع عن أسوار القدس الشريف سنة السبعه وستين
وابنها أحمد أول شراره ، انحمل لجهه مجهوله ، قديش تحزرتها ، بس مات ورا القضبان سجين
وابنها فؤاد أول ما صارت الإنتفاضه الأولى رمى حجر عَ دوريه حاقده من المحتلين
ووقع شهيد بطل ، وابنها سالم نال الشهاده ، وظلت نسمه جبل ما بنخ ولا بلين
223- حمامة السلام
بقت هالحمامه يا ساده يا كِرام،مغرمه بتعايش سلمي مع الصقور والجوارح اللي إلها مخالب ونياب
مع إنها الحمامه رقيقه ووديعه ، ومرموزه للسلام،عينها مكحله بلا جَرِّة مرود و عَ رجليها خضاب
ومش قدرة مباطحة صقور ونسور،وغربان وعقبان،ولا جراذين مقلعطه ، ولا قدرة حرب واحتراب
وبقت تحلم انه التطبع بلغي الطبع الغدّار، وبحول العداوه حب ، وبخلي المتعاديين أحباب
والمثل قال(ما بصير العدو حبيب غيرتيصير الحمار طبيب)ووين لِحمار من الطب،وشو جاب لجاب قلنالها يا حمامه سيبك من التخريف ، السلام بده عزم وقوه وسلاح ، وزنود وسواعد شباب
وبالعزم يا حمامه والتصميم رح تشوفي كيف نقلع منقار ، ومخلب النسر والصقر ولِعقاب
224-يا عين
يا عين كفي الدمع ، عيب عَ العين تذرف دمع،الدمع وان بلل القلب ما بصنع أمجاد
خبي الدمع جواك ، للنصر ، لحلم الإنسان ، للإراده ، للعزم اللي جوّه البدن وقّاد
مين قال إنه الباطل يكبر ؟؟ ويدوس إرادة شعب ، وانيابه تنز سموم وأحقاد ؟؟
يا عين مش وقت الدمع ، وقت العزم ، وقت العمل ، وقت لِكتابه بالدم بدال المداد
عَ جبين فلسطين العالي الغالي،تاريخ أمه وشعب،تاريخ أرض،تاريخ وطن وبلاد
تاريخ انكتب بدم الشهاده والشهيد ، بدم الجرح والجريح ، بقيد الأسير ومنشار الحداد
بإرادة أمه وشعب آمن إنه مش منا اللي بخل بالدم عَ الأرض وما جاد
تقرأ بلهجة أهل سنجل
كتبت هذه الشعبيات سنة 2000م ، عندما اندلعت انتفاضة الأقصى المباركة ، ولكن ما الفرق ،
انه التاريخ الفلسطيني المضيء بدم الشهادة يتنقل من مكان إلى آخر ، فهذا هو القدر الفلسطيني مقاومة وشهادة إلى ما شاء الله