صالح صلاح شبانة
20-01-2009, 10:49 PM
شعبيات الداعي بالخير- 55
لوحات تراثية ووجدانية من وحي القرية وإنسانها
بقلم ووجدان : الداعي بالخير صالح صلاح شبانة
************
217- بارودة الدك
بقت عنّا في الدار باروده إم الّدَك،وبقينا إذا بدنا نطخ منها طلقه نعمل الها مراسم
وما بين ما نحط البارود وندكه ، ونقيم ونحط ، إلا والعدو صار علينا هاجم
بس هذيك الباروده ، بقينا ندافع فيها عن الأرض ، وفي بناية الوطن نساهم
وبقى أملنا مثل فرحنا ، مثل عشقنا للأرض ، تيظل وطننا الغالي عزيز وسالم
ولما صار عِنّا بارود كثير ، ونطخ بالعرس ، صارت بارودة الدك ممسوحة المعالم
ويضحكوا منا وعلينا ، كيف هذيك الباروده بقت تحمي أرض ووطن جميل وحالم ؟؟
قلنا شوفوا النتيجه ، المغزى بالقلب والإيد اللي صارن للزمن مغانم
218-الحلم الناصع
سرقنا الحلم من غفوة نعاس ، سهوه من خاصرة الزمن الحالك طلعت تتنفس الحياه
طلع الحلم داكن مثل حلكة السواد ، من خاصرة الزمن اللي في السهوه شفناه
بس مش رح نستسلم أبدا ، ورح ندافع عن الحلم ، ورح نخلي الضو يشعشع جوّاه
حلمنا أملنا ، وكل ما بقى ها لحلم جميل بقى الأمل أجمل ، ولما يِطلع الأمل ها لحلِم ما أحلاه
شو بدها الأرض غير عرق ودم؟؟والفلاح أسقى تراب ها لأرض عرق تأَرّواه
ودم ، أسقاها الشهيد دم ، تصبغ وردها ، وصار الحنّون ايملي ربيع ها لوطاه
ويظل الحلم ، ويظل الأمل رغم حلكة الزمن ، ويظل الحلم ناصع بضياه
219- حلم يقظان
قال أبو العبد الختيار ، لما كلفوه يكتب التاريخ الجديد لهذي الديار ، القلب يا اولاد بالحزن مليان
سنة الثمانيه وأربعين بقى إبن أربعين،وعلى مدى الخمسين اللي عاشهن حرب وأحزان
يعني تسعين سنة،قبل ما يموت بشهر،اللي عاشهن بالحرب والضرب والمخيم،مشرد عن الأوطان
ويافا حِلِم جوّه عينيه ، ما فارقه طرفة عين ، ومعشعشه جوه مناخيره ريحة الليمون والبرتقان
أبو العبد مسك العود وخط عَ الأرض خط ،وقال:ما بحرث الأرض إلا عجولها، قدر من الرب الديان
أوعوا تنسوا الحلم ، حتى ولو دارت عليكم الدوره، بس حِلِم بعيون صاحي يقظان
يتململ في قلبك جوه ، وفي عيونك من جوّه،ولا بد ما يطلع حقيقه ، دقة قلب بصدر إنسان
220- بتظل الأرض
مكتوب عَ ها لأرض ، عَ الجبين وجوّه العين ،تظلها طاحونه ،تدور وما توقف ،ابد عن الدوره
ها لأرض حلم العاشق ،وحلم الطامع ..وحلم الابن المدافع ، والزين اللي عاقد عَ راسه الشوره
والفلاح المتشكل بالدمايه ، ورجليه غايصه بالتراب المنفول ، وقامته أعلى من السروة والحوره
وشروشه مثل أحلامه ، من قلبه ، صامد ثابت متين، زارع في وطاته الزيتونه والبندوره
خيره وخيراته من رحم الأرض ، يعطيها وتعطيه ، يخدمها وتكافيه ، عهودهم عَ بعض مقدوره
رغم الطامع ، ورغم البايع ، ورغم العابر في غفله من الزمن ، يسرق من أحلامها صوره
بتظل الأرض في قلوبنا ، بحياتنا وحبابي عيوننا ، حب وكحله ، أم وأب إبن وبنت ورودها معطوره
تقرأ بلهجة أهل سنجل
كتبت هذه الشعبيات سنة 2000م ، عندما اندلعت انتفاضة الأقصى المباركة ، ولكن ما الفرق ،
انه التاريخ الفلسطيني المضيء بدم الشهادة يتنقل من مكان إلى آخر ، فهذا هو القدر الفلسطيني مقاومة وشهادة إلى ما شاء الله
لوحات تراثية ووجدانية من وحي القرية وإنسانها
بقلم ووجدان : الداعي بالخير صالح صلاح شبانة
************
217- بارودة الدك
بقت عنّا في الدار باروده إم الّدَك،وبقينا إذا بدنا نطخ منها طلقه نعمل الها مراسم
وما بين ما نحط البارود وندكه ، ونقيم ونحط ، إلا والعدو صار علينا هاجم
بس هذيك الباروده ، بقينا ندافع فيها عن الأرض ، وفي بناية الوطن نساهم
وبقى أملنا مثل فرحنا ، مثل عشقنا للأرض ، تيظل وطننا الغالي عزيز وسالم
ولما صار عِنّا بارود كثير ، ونطخ بالعرس ، صارت بارودة الدك ممسوحة المعالم
ويضحكوا منا وعلينا ، كيف هذيك الباروده بقت تحمي أرض ووطن جميل وحالم ؟؟
قلنا شوفوا النتيجه ، المغزى بالقلب والإيد اللي صارن للزمن مغانم
218-الحلم الناصع
سرقنا الحلم من غفوة نعاس ، سهوه من خاصرة الزمن الحالك طلعت تتنفس الحياه
طلع الحلم داكن مثل حلكة السواد ، من خاصرة الزمن اللي في السهوه شفناه
بس مش رح نستسلم أبدا ، ورح ندافع عن الحلم ، ورح نخلي الضو يشعشع جوّاه
حلمنا أملنا ، وكل ما بقى ها لحلم جميل بقى الأمل أجمل ، ولما يِطلع الأمل ها لحلِم ما أحلاه
شو بدها الأرض غير عرق ودم؟؟والفلاح أسقى تراب ها لأرض عرق تأَرّواه
ودم ، أسقاها الشهيد دم ، تصبغ وردها ، وصار الحنّون ايملي ربيع ها لوطاه
ويظل الحلم ، ويظل الأمل رغم حلكة الزمن ، ويظل الحلم ناصع بضياه
219- حلم يقظان
قال أبو العبد الختيار ، لما كلفوه يكتب التاريخ الجديد لهذي الديار ، القلب يا اولاد بالحزن مليان
سنة الثمانيه وأربعين بقى إبن أربعين،وعلى مدى الخمسين اللي عاشهن حرب وأحزان
يعني تسعين سنة،قبل ما يموت بشهر،اللي عاشهن بالحرب والضرب والمخيم،مشرد عن الأوطان
ويافا حِلِم جوّه عينيه ، ما فارقه طرفة عين ، ومعشعشه جوه مناخيره ريحة الليمون والبرتقان
أبو العبد مسك العود وخط عَ الأرض خط ،وقال:ما بحرث الأرض إلا عجولها، قدر من الرب الديان
أوعوا تنسوا الحلم ، حتى ولو دارت عليكم الدوره، بس حِلِم بعيون صاحي يقظان
يتململ في قلبك جوه ، وفي عيونك من جوّه،ولا بد ما يطلع حقيقه ، دقة قلب بصدر إنسان
220- بتظل الأرض
مكتوب عَ ها لأرض ، عَ الجبين وجوّه العين ،تظلها طاحونه ،تدور وما توقف ،ابد عن الدوره
ها لأرض حلم العاشق ،وحلم الطامع ..وحلم الابن المدافع ، والزين اللي عاقد عَ راسه الشوره
والفلاح المتشكل بالدمايه ، ورجليه غايصه بالتراب المنفول ، وقامته أعلى من السروة والحوره
وشروشه مثل أحلامه ، من قلبه ، صامد ثابت متين، زارع في وطاته الزيتونه والبندوره
خيره وخيراته من رحم الأرض ، يعطيها وتعطيه ، يخدمها وتكافيه ، عهودهم عَ بعض مقدوره
رغم الطامع ، ورغم البايع ، ورغم العابر في غفله من الزمن ، يسرق من أحلامها صوره
بتظل الأرض في قلوبنا ، بحياتنا وحبابي عيوننا ، حب وكحله ، أم وأب إبن وبنت ورودها معطوره
تقرأ بلهجة أهل سنجل
كتبت هذه الشعبيات سنة 2000م ، عندما اندلعت انتفاضة الأقصى المباركة ، ولكن ما الفرق ،
انه التاريخ الفلسطيني المضيء بدم الشهادة يتنقل من مكان إلى آخر ، فهذا هو القدر الفلسطيني مقاومة وشهادة إلى ما شاء الله