صالح صلاح شبانة
11-01-2009, 11:41 PM
ديجيتال
صورة شعبية محكية عن تطور وسائل الإعلام
بقلم :الداعي بالخير صالح صلاح شبانة
( تم حذف البريد لأن عرضه مخالف لشروط المنتدى )
مناسبة الحديث أن صديقي الفنان المخرج المسرحي الدكتور مظهر ياسين ، قام بإخراج نص مسرحي لصديقنا الدكتور محمد سلامة عنوانه(ديجيتال) وطلب من تلخيص النص المسرحي بنص شعبي لمدة عشر دقائق أقرأه أمام الجمهور قبل بداية العرض ، وهكذا كان ، إذ لخصت التطور الإعلامي كما عشته في قريتي الحبيبة (سنجل –رام الله)
بقينا زمان نعيش في قريه إتنام بعد اعشا يين وتروح قريتنا غارفة في السبات
تاريخنا خراريف ترويها الجده في حوش الدار عَ ضَوّ القمر مليانه حكمه وتجليات
وفي الشتا حوالين لِوجاق ولاَّ كانون النار اللي بطقطق بقرامي الشجر
حناكنا تلوك بسيسه بقطين و لاَّ بلوط مشوي، ولاَّ بطاطا ..تتجلى السهرات
وبقى الراديو الهتلري الكبير أبو بطاريه ، تسعين وواحد ونص يهبط تحته لِحمار
مرّات تولد فيه البسه والفاره ، وتشوّش عَ المذيع ويختلط الخبر ابهذيك الأصوات
والإعلان بقى عن ظهر الجامع، يطلع واحد جهوري الصوت ويقول:جاي يا أهل البلد جاااااااااااااي
ويعلن عن المفقود والموجود والحلوان، والفرح والطهور، واللي رجع من السفر وعن اللي مات
وبقوا الناس عايشين بسلاسه، إسم الله حولهم وحواليهم.... عالمهم جوّه القريه
إن خربت ولاَّ عمرت، اللي جوّه القِدِر بتطلعه المغرفه، وما لحدا عند حدا غايات
اتطورت الدنيا وطِلِع راديو الترانزستور، بحكي عَ البطاريه ، متنقل بلا أنتين عَ الحيط يلقط ،
وبلا سلك أرضي ايفرغ مثل أبو بطاريه تسعين وواحد ونص، وصرنا نسمع مطربين ومطربات
طرب عَ الأصول،بقى المطرب يقعد على دكه في القهوه ويظل اينح يا عين..يا ليل
تتبز عينه ويطلع ليله،يرّقص لقلوب طرب ما بنتسى،بلا ابتذال وسقوط بالمستنقعات
وطلع تلفزيون لبيض ولِسود وصار كل صاحب قهوه يشتري جهاز الله اعلم بالتقسيط
وبقينا نتفرج بحق الطلب ، القهوه ولاّ الشاي بقرش!!وصاحبها المفتري يبتزنا بالطلبات
وفركة كعب،شاع التلفزيون وصرنا نشتريه كاش وتقسيط..وصرنا نقناه في الدار
وصارت المسلسلات والبرامج والأخبار المصّوره تفتح قدامنا أبواب بقن مكسرات
واندحر التلفزيون السود ولِبيض أبو اللمبات اللي بده شربة سيكاره لما يحمى
وتفط الصوره تكبر وتمدد لما اتملي الشاشه قدام الترانزستور وتطورت الموديلات
وطلع لملون،وبقت البرامج خلط ملط ،اشي ملون واشي بلا ألوان ،بس بقي فتح جديد
صرنا نشوف صورة ملونه الخالق الناطق للشخص وصارت القعدة تحلا قدام المسلسلات
عشنا عشر خمسطعشر سنة ،أكثر شويه ،الله اعلم ..أنا مش دايه مولده تعرف بالدقه
بس اجا يوم واطلعوا أقمار وركبوا صحون عَ الحيطان تنقل صور عبر لبحار والمحيطات
وبقى أبو زيد خاله مين يحط صحن اسود فوق الدار ،هذاك البني ادم محظوظ
مصاريه كثيرة ،وبقي لازم يدفع كوم مصاري تيرَّكِب ع حيط داره صحن الستلايت
ومثل الراديو الهتلري للراديو الترانزستور لتلفزيون لِسود ولِبيض، للملون
إنتشر بين الناس ها لداء وصارت الحيطان صحون ولواقط .. ودخلت علينا عادات
إشي ديجيتال واشي ميجيتال واشي دوت واشي كوم واشي أخبار واشي أفلام
واشي دحيه واشي عَ العين يا صبيه واشي طرب قديم واشي شبابي واشي كليبات
ويرحم هذاك المطرب القديم اللي بقى يوقف قدّام الكاميرا جامد مثل الصنم
وجهه محلوق أربع مرّات يلمع لمع .. وشعره مزيت .. وممنوع فتح أزرار الجاكيتات
اتلاقي المخرج مثل الشرطه العسكريه اللي بقت تخالف العسكري عَ طعجة الطاقيه،
والقبّه المفتوحه والغبره عَ البسطار،بقى المطرب واقف مثل الأليف خالي من الطعجات
وراح الطرب الأصيل وطلع الطرب البديل..إشي بلا طعم ولا لون ..بهارج تتطاير
تقولوا فقاقيع صابون مبهرجه بألوان الطيف تفقع أول ما تتطلع وتتلاشى الفقاعات
وبعد عمالقه بقى الغناء عَ زمنهم طرب ، طلعت أغاني غرقانه بعيب الشوم
واوا أحه وماما محه،وإخص عَ حبيبي وسنحه ،وأضويه ملونه توجوج في الصالات
زمان واحد طلق مرته لأنها باست الراديو لما بقى فريد لِطرش يغني بعد ما تجلت طرب ،
اليوم إذا طلع خنفس يتنطط مثل الجندب،تلاقي النسوان في الطابور عَ الدور صافات
ديجيتال وميجيتال ، ولمين بتقرا مزاميرك يا داوود.. الزمن أقوى منّا وعلينا دارّج،
وما بهمه لو زعلنا ولاَّ رضينا ، ولكل واحد منا زمان بتفرضه علينا الحَيَاتْ
وصارت موضة الفقع والطقع والجيل الفايع ، واللي مثلنا مزروع بالأرض مجنون
بالماضي وحُب الماضي ، وكل ما شاف ختيار من جيله ، يفرح ويتذكر اللي مضى واللي فات
فضائيات مثل الطفح عَ الجلد ، إشي بهرش واشي بحِك، واشي بلاوي متلله بتنز والناس حيرانه
بتشوف وما بتشوف ، والريموت بتنطط مثل الضفدع بين الأغاني ، والأخبار سوّاح بين المحطات
فضائيات علامتها التجاره ، ومين يقدم نسوان ودلع وأحداث منها صحيحه، ومنها ملفقه وقبيحه
وصار الأهبل والغشيم يحلم بثروه تدب عَ راسه دبة أعمى في زاويه في وحده من ها لمسابقات
ودقايق تجر دقايق حقهن بطلع بجردة الدوله آخر السنه ملايين..، حق سراب وهم كذاب
والوهم بكبر وبتدحبر وبعشش بذهن الغشيم ، هو بخسر وغيره بدزكن وبدَّكِن عَ قلبه المليارات
عصر الديجيتال عصر الريموت كنترول،عصر كبسة الزر اللي بتخرب الديار العَمَار
وبتحرق سنسفيل الحَبّيبَه ، ورزق الهُبُل عَ المجانين ، وصار العصر عصر الفشل والخيبات
عرفنا الفضائيات بعد عصر البركه ، والألفاظ الدسمه ، والدهن بالعتاقي ، ألفاظ جديده،
خليط انجليزي عَ فرنسي عَ عربي مكسر عَ دلع وأنوثه وإغراء .... وغنج باللهجات
واتدلل يا مواطن ، صبايا مثل الورد ب نيو لوك ، بتنفظ أبو اللي نفظك .. وبتخلي مداسك..
عَ راسك،وطاقيتك عَ رجليك بتحكي من كل لغه كلمه...ولسانها نازل يكسر باللغات
والدِفِش اللي مثل أفضالي مطرود من رحمة النيوستار، محافظ عَ الدمايه والحطه،
وعقاله بِشُرّ زيت فغيش ، زمانه انطوى والعداء للتاريخ صار موضة الموضات
فضائيات يا مواطن .. فضائيات يا خال ، ريموتك في إيدك،قلِّب ودَوِّر بتشوف العجب،صدقني
إشي ديجيتال وإشي ميجيتال واشي سكوب واشي ألوان،واشي دوت واشي كوم واشي سات
وغرقان يا مواطن في ها لرسيفر العجيب ، إشي مشّفَر واشي مفتوح وحواضن عَ كيفك
إذا فتحت قفولها ، فتحت قدّامك آفاق وعوالم ..يا مراهق كان زغير ولاَّ كبير اغطس با لتجليات
فضائيات يا خال .. والحال عجب ، راحت أيام الثقافه والطرب... سوق مليانه بضاعه
شويه منها مليحه والباقيه قبيحه ، وشوف عينك من حظ غيرك ..فضائيات يا خال
فضاااااااااااااااااااااااااااااااااااااااااااااااا ااااااااااائيييييييييييييييييييييييياااااااااااااا اااااااات
صورة شعبية محكية عن تطور وسائل الإعلام
بقلم :الداعي بالخير صالح صلاح شبانة
( تم حذف البريد لأن عرضه مخالف لشروط المنتدى )
مناسبة الحديث أن صديقي الفنان المخرج المسرحي الدكتور مظهر ياسين ، قام بإخراج نص مسرحي لصديقنا الدكتور محمد سلامة عنوانه(ديجيتال) وطلب من تلخيص النص المسرحي بنص شعبي لمدة عشر دقائق أقرأه أمام الجمهور قبل بداية العرض ، وهكذا كان ، إذ لخصت التطور الإعلامي كما عشته في قريتي الحبيبة (سنجل –رام الله)
بقينا زمان نعيش في قريه إتنام بعد اعشا يين وتروح قريتنا غارفة في السبات
تاريخنا خراريف ترويها الجده في حوش الدار عَ ضَوّ القمر مليانه حكمه وتجليات
وفي الشتا حوالين لِوجاق ولاَّ كانون النار اللي بطقطق بقرامي الشجر
حناكنا تلوك بسيسه بقطين و لاَّ بلوط مشوي، ولاَّ بطاطا ..تتجلى السهرات
وبقى الراديو الهتلري الكبير أبو بطاريه ، تسعين وواحد ونص يهبط تحته لِحمار
مرّات تولد فيه البسه والفاره ، وتشوّش عَ المذيع ويختلط الخبر ابهذيك الأصوات
والإعلان بقى عن ظهر الجامع، يطلع واحد جهوري الصوت ويقول:جاي يا أهل البلد جاااااااااااااي
ويعلن عن المفقود والموجود والحلوان، والفرح والطهور، واللي رجع من السفر وعن اللي مات
وبقوا الناس عايشين بسلاسه، إسم الله حولهم وحواليهم.... عالمهم جوّه القريه
إن خربت ولاَّ عمرت، اللي جوّه القِدِر بتطلعه المغرفه، وما لحدا عند حدا غايات
اتطورت الدنيا وطِلِع راديو الترانزستور، بحكي عَ البطاريه ، متنقل بلا أنتين عَ الحيط يلقط ،
وبلا سلك أرضي ايفرغ مثل أبو بطاريه تسعين وواحد ونص، وصرنا نسمع مطربين ومطربات
طرب عَ الأصول،بقى المطرب يقعد على دكه في القهوه ويظل اينح يا عين..يا ليل
تتبز عينه ويطلع ليله،يرّقص لقلوب طرب ما بنتسى،بلا ابتذال وسقوط بالمستنقعات
وطلع تلفزيون لبيض ولِسود وصار كل صاحب قهوه يشتري جهاز الله اعلم بالتقسيط
وبقينا نتفرج بحق الطلب ، القهوه ولاّ الشاي بقرش!!وصاحبها المفتري يبتزنا بالطلبات
وفركة كعب،شاع التلفزيون وصرنا نشتريه كاش وتقسيط..وصرنا نقناه في الدار
وصارت المسلسلات والبرامج والأخبار المصّوره تفتح قدامنا أبواب بقن مكسرات
واندحر التلفزيون السود ولِبيض أبو اللمبات اللي بده شربة سيكاره لما يحمى
وتفط الصوره تكبر وتمدد لما اتملي الشاشه قدام الترانزستور وتطورت الموديلات
وطلع لملون،وبقت البرامج خلط ملط ،اشي ملون واشي بلا ألوان ،بس بقي فتح جديد
صرنا نشوف صورة ملونه الخالق الناطق للشخص وصارت القعدة تحلا قدام المسلسلات
عشنا عشر خمسطعشر سنة ،أكثر شويه ،الله اعلم ..أنا مش دايه مولده تعرف بالدقه
بس اجا يوم واطلعوا أقمار وركبوا صحون عَ الحيطان تنقل صور عبر لبحار والمحيطات
وبقى أبو زيد خاله مين يحط صحن اسود فوق الدار ،هذاك البني ادم محظوظ
مصاريه كثيرة ،وبقي لازم يدفع كوم مصاري تيرَّكِب ع حيط داره صحن الستلايت
ومثل الراديو الهتلري للراديو الترانزستور لتلفزيون لِسود ولِبيض، للملون
إنتشر بين الناس ها لداء وصارت الحيطان صحون ولواقط .. ودخلت علينا عادات
إشي ديجيتال واشي ميجيتال واشي دوت واشي كوم واشي أخبار واشي أفلام
واشي دحيه واشي عَ العين يا صبيه واشي طرب قديم واشي شبابي واشي كليبات
ويرحم هذاك المطرب القديم اللي بقى يوقف قدّام الكاميرا جامد مثل الصنم
وجهه محلوق أربع مرّات يلمع لمع .. وشعره مزيت .. وممنوع فتح أزرار الجاكيتات
اتلاقي المخرج مثل الشرطه العسكريه اللي بقت تخالف العسكري عَ طعجة الطاقيه،
والقبّه المفتوحه والغبره عَ البسطار،بقى المطرب واقف مثل الأليف خالي من الطعجات
وراح الطرب الأصيل وطلع الطرب البديل..إشي بلا طعم ولا لون ..بهارج تتطاير
تقولوا فقاقيع صابون مبهرجه بألوان الطيف تفقع أول ما تتطلع وتتلاشى الفقاعات
وبعد عمالقه بقى الغناء عَ زمنهم طرب ، طلعت أغاني غرقانه بعيب الشوم
واوا أحه وماما محه،وإخص عَ حبيبي وسنحه ،وأضويه ملونه توجوج في الصالات
زمان واحد طلق مرته لأنها باست الراديو لما بقى فريد لِطرش يغني بعد ما تجلت طرب ،
اليوم إذا طلع خنفس يتنطط مثل الجندب،تلاقي النسوان في الطابور عَ الدور صافات
ديجيتال وميجيتال ، ولمين بتقرا مزاميرك يا داوود.. الزمن أقوى منّا وعلينا دارّج،
وما بهمه لو زعلنا ولاَّ رضينا ، ولكل واحد منا زمان بتفرضه علينا الحَيَاتْ
وصارت موضة الفقع والطقع والجيل الفايع ، واللي مثلنا مزروع بالأرض مجنون
بالماضي وحُب الماضي ، وكل ما شاف ختيار من جيله ، يفرح ويتذكر اللي مضى واللي فات
فضائيات مثل الطفح عَ الجلد ، إشي بهرش واشي بحِك، واشي بلاوي متلله بتنز والناس حيرانه
بتشوف وما بتشوف ، والريموت بتنطط مثل الضفدع بين الأغاني ، والأخبار سوّاح بين المحطات
فضائيات علامتها التجاره ، ومين يقدم نسوان ودلع وأحداث منها صحيحه، ومنها ملفقه وقبيحه
وصار الأهبل والغشيم يحلم بثروه تدب عَ راسه دبة أعمى في زاويه في وحده من ها لمسابقات
ودقايق تجر دقايق حقهن بطلع بجردة الدوله آخر السنه ملايين..، حق سراب وهم كذاب
والوهم بكبر وبتدحبر وبعشش بذهن الغشيم ، هو بخسر وغيره بدزكن وبدَّكِن عَ قلبه المليارات
عصر الديجيتال عصر الريموت كنترول،عصر كبسة الزر اللي بتخرب الديار العَمَار
وبتحرق سنسفيل الحَبّيبَه ، ورزق الهُبُل عَ المجانين ، وصار العصر عصر الفشل والخيبات
عرفنا الفضائيات بعد عصر البركه ، والألفاظ الدسمه ، والدهن بالعتاقي ، ألفاظ جديده،
خليط انجليزي عَ فرنسي عَ عربي مكسر عَ دلع وأنوثه وإغراء .... وغنج باللهجات
واتدلل يا مواطن ، صبايا مثل الورد ب نيو لوك ، بتنفظ أبو اللي نفظك .. وبتخلي مداسك..
عَ راسك،وطاقيتك عَ رجليك بتحكي من كل لغه كلمه...ولسانها نازل يكسر باللغات
والدِفِش اللي مثل أفضالي مطرود من رحمة النيوستار، محافظ عَ الدمايه والحطه،
وعقاله بِشُرّ زيت فغيش ، زمانه انطوى والعداء للتاريخ صار موضة الموضات
فضائيات يا مواطن .. فضائيات يا خال ، ريموتك في إيدك،قلِّب ودَوِّر بتشوف العجب،صدقني
إشي ديجيتال وإشي ميجيتال واشي سكوب واشي ألوان،واشي دوت واشي كوم واشي سات
وغرقان يا مواطن في ها لرسيفر العجيب ، إشي مشّفَر واشي مفتوح وحواضن عَ كيفك
إذا فتحت قفولها ، فتحت قدّامك آفاق وعوالم ..يا مراهق كان زغير ولاَّ كبير اغطس با لتجليات
فضائيات يا خال .. والحال عجب ، راحت أيام الثقافه والطرب... سوق مليانه بضاعه
شويه منها مليحه والباقيه قبيحه ، وشوف عينك من حظ غيرك ..فضائيات يا خال
فضاااااااااااااااااااااااااااااااااااااااااااااااا ااااااااااائيييييييييييييييييييييييياااااااااااااا اااااااات