صالح صلاح شبانة
10-01-2009, 03:34 PM
شعبيات الداعي بالخير -53
لوحات وطنية وتراثية من ذاكرة القرية وانسانها
نظم الداعي بالخير: صالح صلاح شبانة
( تم حذف البريد لأن عرضه مخالف لشروط المنتدى )
209-مرقت عصفورة
مرقت عصفوره من فوق داري ، بثتني أسرارها ، وبثيتها أسراري ، عصفوره من الألم محروره
من حيّه رقطا الله يبلاها ، طلعت عَ الدحو وبلعت ظناها ، ناحت ونفسها مكسوره
ها لحيه الرقطا الله يقلعها ، من ديرة أهلي المصيونه ، اللي دارت عليها الدوره
مرقت من حدي العصفوره ، أغانيها اللي بقت تطربنا ، صارت تناويح من الألم معصوره
قديش بتحس بالإنسان ، بالدمعة المسكونه جوه القلب قبل العين ، في الصدر مأسوره
ناس بتفرح وناس بتمرح ، وناس الأحزان فيها بتجرح ، وناس عليها الألآم مقدوره
ناديت بعلو الصوت ، هيه يا عصفوره ، ضبي الدمعه وشدي جناحك ، أرضنا بالأمل معموره
210- أرض الزيتون
أنا من أرض الزيتون ، أحلامي من أحلام الزيتون ، وتذبحني هذيك لِعيون ، اللي فيها حليانه
من الصخره تتدفق شلال ، عَ أرض الأحلام تصنع شان، تتمازج مع دم الشهيد بالمسره فرحانه
يا الله عَ أرض بلادي ، فيها اربيت وانولدوا أولادي ، ولازم قلبي عشقها، ومن دمي رويانه
أرض الزيتون يا أرض بلادي ما أحلاها ، روحي بتتنفس من هواها ، لايمكن إني أسلاها، بالمحبه مليانه
أرض المسره يا أرض الزيتون ، أرض الحلم جوه لِعيون ، أرض الأمل اللي بلالي ، روحي إلك عطشانه
مَيِّل يا للي في الحزن مليان ، إشرب من ميتنا حب وحنان ، واقطف حنّونه وردتها ريّانه
واهديها للشهيد وللجريح وللأسير....... للأرض إللي بالفخر مزدانه
211-منديل جفرا
شديللي يا جفرا بشقفه من منديلك ، على جرحي بلكي عَ إيدك توقف نزفي اللي سال
كرمال الوطن يا جفرا ضحينا،ويا ما رح نضحي تترجع للوطن فرحه ، ويهنى براحة البال
الله يجازي اللي حط فرخ الحيّه في ها لوطن ، تتفقس حيايا ، تتقتل عَ أرضنا الآمال
بس ، وجدايل جفرا ، الوطن مصيون ، الوطن مزروع في قلوب وعيون وحس الرجال
اللي عمروا أرض فلسطين ، بالزرع اللي نبت فيها ، بالحلم المنقوش في عنيها ولا زال
شديلي يا جفرا جرحي بمنديلك، تيظل بدمي مغمس منديلك ، جرحي العاشق للموال
بين ربوع الأرض الخضرا ، للجفرا ، للأمل للحلم ، إللي في عيون الأطفال
212- حلم الوطن
طلع من نبع الحلم اسم ، لزيد،لعمرو،لدلال،لتغريد،لأياد،لحسني،لعماد،لنزار،لأ ي شهيد
اسم الشهيد ممتد عَ كل الأسماء ، دخلت آسامينا صفحات المجد ، من مليون سنه وتزيد
طلت من قلب الحلم للوطن اسم، لأرض عَ خارطة الدنيا ، إسمها فلسطيني والحلم العتيد
اللي كل ما لاح مجدها، نبت عزمها ، طلع حلمها ، من قرمية زيتونه مثل فرحة العيد
للإنسان اللي ما برح قلبه برّات الأرض ، ولا عِشِق غيرها ضرّه تطردها من حلمه السعيد
للإنسان اللي كل ما اجتر حزن وألم ، زاد عشق وهوا ، وما خلا طيف حبه يروح بعيد
من نبع الحلم الفوار، يفيض الأمل، ويملينه الصبايا بالجرار، ويتطوق قلاده بالجيد
تقرأبلهجة أهل سنجل
كتبت هذه الشعبيات سنة2000 عندما تفجرت انتفاضة الأقصى الباسلة الشريفة ، وقد أذعتها وعشرات أخرى من على أثير (اذاعة صوت الحب والسلام) و(قناة الشرق) من رام الله الأسيرة. وهي تتجدد وتصلح لجنين وغزة وكل بقاع فلسطين الخالدة .
لوحات وطنية وتراثية من ذاكرة القرية وانسانها
نظم الداعي بالخير: صالح صلاح شبانة
( تم حذف البريد لأن عرضه مخالف لشروط المنتدى )
209-مرقت عصفورة
مرقت عصفوره من فوق داري ، بثتني أسرارها ، وبثيتها أسراري ، عصفوره من الألم محروره
من حيّه رقطا الله يبلاها ، طلعت عَ الدحو وبلعت ظناها ، ناحت ونفسها مكسوره
ها لحيه الرقطا الله يقلعها ، من ديرة أهلي المصيونه ، اللي دارت عليها الدوره
مرقت من حدي العصفوره ، أغانيها اللي بقت تطربنا ، صارت تناويح من الألم معصوره
قديش بتحس بالإنسان ، بالدمعة المسكونه جوه القلب قبل العين ، في الصدر مأسوره
ناس بتفرح وناس بتمرح ، وناس الأحزان فيها بتجرح ، وناس عليها الألآم مقدوره
ناديت بعلو الصوت ، هيه يا عصفوره ، ضبي الدمعه وشدي جناحك ، أرضنا بالأمل معموره
210- أرض الزيتون
أنا من أرض الزيتون ، أحلامي من أحلام الزيتون ، وتذبحني هذيك لِعيون ، اللي فيها حليانه
من الصخره تتدفق شلال ، عَ أرض الأحلام تصنع شان، تتمازج مع دم الشهيد بالمسره فرحانه
يا الله عَ أرض بلادي ، فيها اربيت وانولدوا أولادي ، ولازم قلبي عشقها، ومن دمي رويانه
أرض الزيتون يا أرض بلادي ما أحلاها ، روحي بتتنفس من هواها ، لايمكن إني أسلاها، بالمحبه مليانه
أرض المسره يا أرض الزيتون ، أرض الحلم جوه لِعيون ، أرض الأمل اللي بلالي ، روحي إلك عطشانه
مَيِّل يا للي في الحزن مليان ، إشرب من ميتنا حب وحنان ، واقطف حنّونه وردتها ريّانه
واهديها للشهيد وللجريح وللأسير....... للأرض إللي بالفخر مزدانه
211-منديل جفرا
شديللي يا جفرا بشقفه من منديلك ، على جرحي بلكي عَ إيدك توقف نزفي اللي سال
كرمال الوطن يا جفرا ضحينا،ويا ما رح نضحي تترجع للوطن فرحه ، ويهنى براحة البال
الله يجازي اللي حط فرخ الحيّه في ها لوطن ، تتفقس حيايا ، تتقتل عَ أرضنا الآمال
بس ، وجدايل جفرا ، الوطن مصيون ، الوطن مزروع في قلوب وعيون وحس الرجال
اللي عمروا أرض فلسطين ، بالزرع اللي نبت فيها ، بالحلم المنقوش في عنيها ولا زال
شديلي يا جفرا جرحي بمنديلك، تيظل بدمي مغمس منديلك ، جرحي العاشق للموال
بين ربوع الأرض الخضرا ، للجفرا ، للأمل للحلم ، إللي في عيون الأطفال
212- حلم الوطن
طلع من نبع الحلم اسم ، لزيد،لعمرو،لدلال،لتغريد،لأياد،لحسني،لعماد،لنزار،لأ ي شهيد
اسم الشهيد ممتد عَ كل الأسماء ، دخلت آسامينا صفحات المجد ، من مليون سنه وتزيد
طلت من قلب الحلم للوطن اسم، لأرض عَ خارطة الدنيا ، إسمها فلسطيني والحلم العتيد
اللي كل ما لاح مجدها، نبت عزمها ، طلع حلمها ، من قرمية زيتونه مثل فرحة العيد
للإنسان اللي ما برح قلبه برّات الأرض ، ولا عِشِق غيرها ضرّه تطردها من حلمه السعيد
للإنسان اللي كل ما اجتر حزن وألم ، زاد عشق وهوا ، وما خلا طيف حبه يروح بعيد
من نبع الحلم الفوار، يفيض الأمل، ويملينه الصبايا بالجرار، ويتطوق قلاده بالجيد
تقرأبلهجة أهل سنجل
كتبت هذه الشعبيات سنة2000 عندما تفجرت انتفاضة الأقصى الباسلة الشريفة ، وقد أذعتها وعشرات أخرى من على أثير (اذاعة صوت الحب والسلام) و(قناة الشرق) من رام الله الأسيرة. وهي تتجدد وتصلح لجنين وغزة وكل بقاع فلسطين الخالدة .