صالح صلاح شبانة
06-01-2009, 04:57 PM
1الأغاني والأوابد
صور حية من قرية أيام زمان
بقلم : الداعي بالخير : صالح صلاح شبانة
( تم حذف البريد لأن عرضه مخالف لشروط المنتدى )
طربنا للعتابا والأوف ، و عً أنغام زريف ودلعونا دبكنا ،
والأغاني أصاله .... إنطبعت في طبعنا
والغزل في الأرض والشجر ، والرزق والبشر ،
إيحرك الآهات ، وتوّلِع الأرض من الدبكه تحت قدمنا
وان نزلت الصبايا عَ العين ، إيملين ميه ،
وجرار الفخار تقعد عَ الكتف ، ترشح الميه مثل دمعنا
إحنا أهل الأغاني ، إنعبر فيها عن اللي في القلب ،
وياما في القلب آمال وأحلام وأحزان تنحض من حُزٌّنَّا
الطبل والشبابه ، والدف والربابه والدبكه ،
والسِيَّر الشعبيه عَ لسان الحكواتي للشاعر سمعنا
أصاله تفجرت فينا ، مثل النبع من قلب الصخر انفجر ،
فيها العُمُر خراريف وتراث أوابدنا
إحنا أهل البساطه وشروشنا امسَلّعه جوّه الصخر ،
يفتت الصخر وشروشنا تنتصر ما حدا هزمنا
تقرأ بلهجة أهل سنجل
بارودة سيدي
صورة تراثية شعبية بقلم :
الداعي بالخير: صالح صلاح شبانة
( تم حذف البريد لأن عرضه مخالف لشروط المنتدى )
سمعت صوت الطلق اللي دب من بارودة سيدي ،
لِمّعَلقه في صدر الليوان ،
سمعته في نص الليل دب ... يلجلج حس وصدى ،
بزلزلة صوت مزَّع سكون المكان ،
ولجَّت الناس..... وتطاولوا برقابهم ،
يا يرى شو اللي جرى ؟؟؟؟؟؟
شو اللي صار لبارودة أبو علي ؟؟
تتخطف النوم من عيون النعسان ؟؟
**********
سمعنا مع دبة الطلق ،
صرخة ذيب عوى في بطن الليل ،
وناس صرخت تلوم الذيب ،
شو اللي جيّبَك عَ صيرة أبو علي يا سرحان ؟
بس ها لذيب اللي غلط في الطريق ،وزمان قالوا :
عليك بالطريق لو طالت .....
**********
بس ها لذيب اللي هجم عَ الصيره ،
تينتش عابوره ، في حماية أبو علي اليقظان ،
بقت نايمه تنعم با لأمان،
*********
يا ترى : ها لذيب غلط بالعنوان ؟
غلط ، ما غلط ، وقع بدبة الطلق من بارودة سيدي ،
تيعرف الذيب ، وكل واوي ، ولاَّ ضبع ،
إنها صيرة أبو علي ما هي مرتع ..لصايع جبان ،
وبوجود أبو علي وبارودة أبو علي ،
ما في حق للناس فلتان .
*************
بارودة سيدي اللي معلقه بصدر الليوان ،
عنوان الفخر والمرجله ، عَ طول الزمان ،
لسه بعدها ناقوس بدق النسيان .
تقرأ بلهجة أهل سنجل
الله كريم
صورة شعبية محكية بقلم ووجدان
الداعي بالخير: صالح صلاح شبانة
( تم حذف البريد لأن عرضه مخالف لشروط المنتدى )
الله كريم ، والأرض قد ما بتعطيها بتعطيك ،
أعطيها جهد وعرق بتعطيك رزق ومال ، بدها عزم الشيب قبل الشباب
تحت الشيب خبره مثل العُصاره ، بتحس ها لشجره شقفة خشب ،
ما بتوعاها إلاّ إخضَرَّت وأينعت وجناها طاب
الله كريم ، وأرزاقك عَ قد نيّاتك ، إنوي خير بتكسب خير ،
إنوي شر بتوخذ شر ، وبتلاقي أملك خاب
الله كريم ، يمهل ولا يهمل ، يمد لك الحبل ، تيرجعلك العقل ،
بس إلك يوم مثل دق الثوم ، يكرفت لك لِحّساب
الله كريم ، برزق المؤمن والفاجر ، خيره كثير ورزقه واجد ،
يجازي بالإحسان ويقلع عين الحاسد ويبلاها با لخراب
الله كريم ، وبفضل نعمته بنعيش ، أي نعم ناس غنيه ،
وناس منتوفة الريش ، بس الرزق بنزل بمقدار من الباب
الله كريم ، وفضله علينا كبير ، الرزق والصحه والمال ،
الرزق راحه وفرحه ، رؤوف خلقنا للعباده مش للعذاب
تقرأ بلهجة أهل سنجل
ساق الله
صورة تراثية شعبية محكية بقلم :
الداعي بالخير :صالح صلاح شبانة
( تم حذف البريد لأن عرضه مخالف لشروط المنتدى )
ساق الله يومن بقت الرجوم والرسوم وحَبَلات الأرض ،
مرابع للميرميه والزعتر ،
ولما يتنفس سعد السعود ، اللي الميه فيه بتدور في العود،
تلاقي الرنجس اللي فتَّح ، لوَّن حرايقنا با لأصفر
والراعي اللي قاطط شلية غنم ،طرب وطال الشبابه والمجوز ،
من ظبية الخبز ، ومن الجذل زمّر
ودق راس البصل الفحل ، وفغم زر البندوره الأحمر
وتنهد واطلع من القلب آه ، سبحان اللي قدّر
ها لأرض مليانه خس وذبَّح ، وأعشاب ترد النفس والروح ،
وما أطيب الحروقه في لباليب الزعتر
****** ***** **** ***** ******
بقت ها لجبال خضرا ، ومليانه با لقرون ، شو البُرَّيدَه .....
شو الحلبه ..... والصبيعه ... والجلبون ، اننقي ونتخيَّر
وانحش عبطه من جرايد ها لفول لِخضر ، اللي يا دوبه ،
مرود كحل العذارى عَ جفون حبّاته اتسطر
ونحرقها هويسه ، ونلتف حوالين نارها ، ونبلش سحب ،
نسحب لقرون من الجمر ، عَ حبَّتها نتبزر
آه ..ساق الله وساق يا زمان ، رغم بطن واحدنا مثل الطبل منفوخ ،
بس ها لوجبه في ها لموسم ما بتتودّر
****** ***** **** ***** ******
ساق الله عَ أيام الرجوم والرسوم ، ومرابع الميرميه والزعتر ،
اللي صارت أرقام في دفاتر الأحلام ، عليها نتحسر
وذكرى على هذيك الأيام ، اللي بقت عَ المجد با لعز مطرّزه ،
شو بنتمناها ، وعليها بنتحسر
تقرأ بلهجة أهل سنجل
البلبل الحُر
صورة تعبيرية محكية
بقلم : الداعي بالخير : صالح صلاح شبانة
( تم حذف البريد لأن عرضه مخالف لشروط المنتدى )
البلبل ما ببيض في القفص ، طبعه ما يخلف نسل عبيد
وصوته بالحبس مبلل بالدمع ،حتى لو بدالك إنه سعيد
والحر مربوط بوعد مع الموت ، إن لاحت الفرصه ما بتفوت
قديش حُر فقع في ظلام السجن ، وأبى يبقى جبان و رعديد
الأمه اللي بتشرب مع الميه مذله ، وإبنها حَيّا بالمستعمر وهلاَّ
أُمَّه بدها ضرب بالقلّه ، وحرق في اللتون مع الشيد
البلبل في الحبس بنسى الفرِح ، وكل أغانيه تنزف بالجرح
جايز يتمنى في لحظه الذبح ، ويهجم ع الموت حتى من بعيد
شر الخيانه على مر الدهر ، لمّا الخيانه تصير فخر
ولمّا الخاين يحقق نصر ،قديش بده يخرب ويبيد
البلبل قبل النسر شعار ، للأمه اللي بتقارع الاستعمار
روح البلبل وقلب النسر ، لو اتجمعن ببنن أمه حديد
بتعانق القوه الكرامه ، وبتمرد الجواد على لجامه
والبلبل ع الشجر يغرد ويبيض ، ويصير كل واحد ع أرضه سيد
تقرأ بلهجة أهل سنجل
مهداة الى المقاومة الفلسطينية في غزة
صور حية من قرية أيام زمان
بقلم : الداعي بالخير : صالح صلاح شبانة
( تم حذف البريد لأن عرضه مخالف لشروط المنتدى )
طربنا للعتابا والأوف ، و عً أنغام زريف ودلعونا دبكنا ،
والأغاني أصاله .... إنطبعت في طبعنا
والغزل في الأرض والشجر ، والرزق والبشر ،
إيحرك الآهات ، وتوّلِع الأرض من الدبكه تحت قدمنا
وان نزلت الصبايا عَ العين ، إيملين ميه ،
وجرار الفخار تقعد عَ الكتف ، ترشح الميه مثل دمعنا
إحنا أهل الأغاني ، إنعبر فيها عن اللي في القلب ،
وياما في القلب آمال وأحلام وأحزان تنحض من حُزٌّنَّا
الطبل والشبابه ، والدف والربابه والدبكه ،
والسِيَّر الشعبيه عَ لسان الحكواتي للشاعر سمعنا
أصاله تفجرت فينا ، مثل النبع من قلب الصخر انفجر ،
فيها العُمُر خراريف وتراث أوابدنا
إحنا أهل البساطه وشروشنا امسَلّعه جوّه الصخر ،
يفتت الصخر وشروشنا تنتصر ما حدا هزمنا
تقرأ بلهجة أهل سنجل
بارودة سيدي
صورة تراثية شعبية بقلم :
الداعي بالخير: صالح صلاح شبانة
( تم حذف البريد لأن عرضه مخالف لشروط المنتدى )
سمعت صوت الطلق اللي دب من بارودة سيدي ،
لِمّعَلقه في صدر الليوان ،
سمعته في نص الليل دب ... يلجلج حس وصدى ،
بزلزلة صوت مزَّع سكون المكان ،
ولجَّت الناس..... وتطاولوا برقابهم ،
يا يرى شو اللي جرى ؟؟؟؟؟؟
شو اللي صار لبارودة أبو علي ؟؟
تتخطف النوم من عيون النعسان ؟؟
**********
سمعنا مع دبة الطلق ،
صرخة ذيب عوى في بطن الليل ،
وناس صرخت تلوم الذيب ،
شو اللي جيّبَك عَ صيرة أبو علي يا سرحان ؟
بس ها لذيب اللي غلط في الطريق ،وزمان قالوا :
عليك بالطريق لو طالت .....
**********
بس ها لذيب اللي هجم عَ الصيره ،
تينتش عابوره ، في حماية أبو علي اليقظان ،
بقت نايمه تنعم با لأمان،
*********
يا ترى : ها لذيب غلط بالعنوان ؟
غلط ، ما غلط ، وقع بدبة الطلق من بارودة سيدي ،
تيعرف الذيب ، وكل واوي ، ولاَّ ضبع ،
إنها صيرة أبو علي ما هي مرتع ..لصايع جبان ،
وبوجود أبو علي وبارودة أبو علي ،
ما في حق للناس فلتان .
*************
بارودة سيدي اللي معلقه بصدر الليوان ،
عنوان الفخر والمرجله ، عَ طول الزمان ،
لسه بعدها ناقوس بدق النسيان .
تقرأ بلهجة أهل سنجل
الله كريم
صورة شعبية محكية بقلم ووجدان
الداعي بالخير: صالح صلاح شبانة
( تم حذف البريد لأن عرضه مخالف لشروط المنتدى )
الله كريم ، والأرض قد ما بتعطيها بتعطيك ،
أعطيها جهد وعرق بتعطيك رزق ومال ، بدها عزم الشيب قبل الشباب
تحت الشيب خبره مثل العُصاره ، بتحس ها لشجره شقفة خشب ،
ما بتوعاها إلاّ إخضَرَّت وأينعت وجناها طاب
الله كريم ، وأرزاقك عَ قد نيّاتك ، إنوي خير بتكسب خير ،
إنوي شر بتوخذ شر ، وبتلاقي أملك خاب
الله كريم ، يمهل ولا يهمل ، يمد لك الحبل ، تيرجعلك العقل ،
بس إلك يوم مثل دق الثوم ، يكرفت لك لِحّساب
الله كريم ، برزق المؤمن والفاجر ، خيره كثير ورزقه واجد ،
يجازي بالإحسان ويقلع عين الحاسد ويبلاها با لخراب
الله كريم ، وبفضل نعمته بنعيش ، أي نعم ناس غنيه ،
وناس منتوفة الريش ، بس الرزق بنزل بمقدار من الباب
الله كريم ، وفضله علينا كبير ، الرزق والصحه والمال ،
الرزق راحه وفرحه ، رؤوف خلقنا للعباده مش للعذاب
تقرأ بلهجة أهل سنجل
ساق الله
صورة تراثية شعبية محكية بقلم :
الداعي بالخير :صالح صلاح شبانة
( تم حذف البريد لأن عرضه مخالف لشروط المنتدى )
ساق الله يومن بقت الرجوم والرسوم وحَبَلات الأرض ،
مرابع للميرميه والزعتر ،
ولما يتنفس سعد السعود ، اللي الميه فيه بتدور في العود،
تلاقي الرنجس اللي فتَّح ، لوَّن حرايقنا با لأصفر
والراعي اللي قاطط شلية غنم ،طرب وطال الشبابه والمجوز ،
من ظبية الخبز ، ومن الجذل زمّر
ودق راس البصل الفحل ، وفغم زر البندوره الأحمر
وتنهد واطلع من القلب آه ، سبحان اللي قدّر
ها لأرض مليانه خس وذبَّح ، وأعشاب ترد النفس والروح ،
وما أطيب الحروقه في لباليب الزعتر
****** ***** **** ***** ******
بقت ها لجبال خضرا ، ومليانه با لقرون ، شو البُرَّيدَه .....
شو الحلبه ..... والصبيعه ... والجلبون ، اننقي ونتخيَّر
وانحش عبطه من جرايد ها لفول لِخضر ، اللي يا دوبه ،
مرود كحل العذارى عَ جفون حبّاته اتسطر
ونحرقها هويسه ، ونلتف حوالين نارها ، ونبلش سحب ،
نسحب لقرون من الجمر ، عَ حبَّتها نتبزر
آه ..ساق الله وساق يا زمان ، رغم بطن واحدنا مثل الطبل منفوخ ،
بس ها لوجبه في ها لموسم ما بتتودّر
****** ***** **** ***** ******
ساق الله عَ أيام الرجوم والرسوم ، ومرابع الميرميه والزعتر ،
اللي صارت أرقام في دفاتر الأحلام ، عليها نتحسر
وذكرى على هذيك الأيام ، اللي بقت عَ المجد با لعز مطرّزه ،
شو بنتمناها ، وعليها بنتحسر
تقرأ بلهجة أهل سنجل
البلبل الحُر
صورة تعبيرية محكية
بقلم : الداعي بالخير : صالح صلاح شبانة
( تم حذف البريد لأن عرضه مخالف لشروط المنتدى )
البلبل ما ببيض في القفص ، طبعه ما يخلف نسل عبيد
وصوته بالحبس مبلل بالدمع ،حتى لو بدالك إنه سعيد
والحر مربوط بوعد مع الموت ، إن لاحت الفرصه ما بتفوت
قديش حُر فقع في ظلام السجن ، وأبى يبقى جبان و رعديد
الأمه اللي بتشرب مع الميه مذله ، وإبنها حَيّا بالمستعمر وهلاَّ
أُمَّه بدها ضرب بالقلّه ، وحرق في اللتون مع الشيد
البلبل في الحبس بنسى الفرِح ، وكل أغانيه تنزف بالجرح
جايز يتمنى في لحظه الذبح ، ويهجم ع الموت حتى من بعيد
شر الخيانه على مر الدهر ، لمّا الخيانه تصير فخر
ولمّا الخاين يحقق نصر ،قديش بده يخرب ويبيد
البلبل قبل النسر شعار ، للأمه اللي بتقارع الاستعمار
روح البلبل وقلب النسر ، لو اتجمعن ببنن أمه حديد
بتعانق القوه الكرامه ، وبتمرد الجواد على لجامه
والبلبل ع الشجر يغرد ويبيض ، ويصير كل واحد ع أرضه سيد
تقرأ بلهجة أهل سنجل
مهداة الى المقاومة الفلسطينية في غزة