الامل
11-11-2008, 10:54 PM
يوميات مفروسه
الحلقه الخامسه عريس لبنت الجيران
بنت الجيران بنوته لذيذه وجميله والعرسان أيه بقه زى النمل ما شاء الله
والبنت زى بنتى واحنا تقريبا موش بنسيب بعض
الحمد لله على الجيره الحلوه، المهم عيزين نختار عريس ونخلص بقه
قعدنا نفرز فيهم نفر نفر(واحد واحد يعنى) البنت بقت تقول وجهه نظرها
ده قصير/وده تخين
ده دمه تقيل/وده شكله رخم وموش ستيل
الا ده مينفعش خالص/ده بتاع ممته
وده لالالالا ده داخل يتخانق/لاده متدين وها يخنقنى
أيوه هو ده موااااافقه طبعا
قلتلهم كلام فى الهوا كده مينفعنيش أنا عايزه أشوف بعينى إيه اللى روش وستيل
وبادى بلدنج موش فهمه يعنى إيه أشوف الأول وأحكم،وفيها لأخفيها
المهم شوفت العريس ويا رتنى ما شوفت، هو الواد وسيم وزى الحيطه ماشاء الله
لكن ايه الهباب اللى لبسه ده،يا مصيبه سوده
لابس بادى ضيق قوى وبيلمع والله بيلمع زى فساتين السهره كله ألوان فى بعضها وبيبرق
بييييييييييبرق لا وكله الا البنطلون تقريبا نازل لحد ركبته وموش عايزه اقول بقه على اللى باين
،أيه ده يا ضنايا قلى موضه يا طنط
طنط ،طنط فى عينك دا أنت تفصل منى تلاته(طبعا بقول فى سرى)
بعد ما مشى فارس الفرسان،نطيت فى وش جارتى وبنتها وقلتلهم
الجوازه دى موش لازم تتم
إيه ياختى ده، اللى يشوف العرض والطول ميقولش عليه مهبول
وهو عامل شعره كده ليه عامل زى الكتكوت المبلول
لالالالالالالالا احنا عايزين راجل يا قطه راجل بمعنى الكلمه(موش ريش على مفيش)
الحمد لله أقنعنا البُنيه أنه مينفعش خالص
اللى فرسنى أكتر إنى لقيت العيال الشباب لابسين الى بيلمع ده وكله مسقط بنطلونه
والمحلات ايه شكلها وخده توكيل إفساد الزوق العام
الشباب بقه بيلمع وبيلبس زينا ،والله فيه شباب من ظهرها متعرفش ده ولد ولا بنت
لا حول ولا قوه الا بالله أستر ها يا رب
شبابنا بقه ما شى بيلمع
وفى كلامه بيدلع
طيب مين عنا يدافع
لو حد جه فينا وولع
وللفرسه بقيه
الحلقه الخامسه عريس لبنت الجيران
بنت الجيران بنوته لذيذه وجميله والعرسان أيه بقه زى النمل ما شاء الله
والبنت زى بنتى واحنا تقريبا موش بنسيب بعض
الحمد لله على الجيره الحلوه، المهم عيزين نختار عريس ونخلص بقه
قعدنا نفرز فيهم نفر نفر(واحد واحد يعنى) البنت بقت تقول وجهه نظرها
ده قصير/وده تخين
ده دمه تقيل/وده شكله رخم وموش ستيل
الا ده مينفعش خالص/ده بتاع ممته
وده لالالالا ده داخل يتخانق/لاده متدين وها يخنقنى
أيوه هو ده موااااافقه طبعا
قلتلهم كلام فى الهوا كده مينفعنيش أنا عايزه أشوف بعينى إيه اللى روش وستيل
وبادى بلدنج موش فهمه يعنى إيه أشوف الأول وأحكم،وفيها لأخفيها
المهم شوفت العريس ويا رتنى ما شوفت، هو الواد وسيم وزى الحيطه ماشاء الله
لكن ايه الهباب اللى لبسه ده،يا مصيبه سوده
لابس بادى ضيق قوى وبيلمع والله بيلمع زى فساتين السهره كله ألوان فى بعضها وبيبرق
بييييييييييبرق لا وكله الا البنطلون تقريبا نازل لحد ركبته وموش عايزه اقول بقه على اللى باين
،أيه ده يا ضنايا قلى موضه يا طنط
طنط ،طنط فى عينك دا أنت تفصل منى تلاته(طبعا بقول فى سرى)
بعد ما مشى فارس الفرسان،نطيت فى وش جارتى وبنتها وقلتلهم
الجوازه دى موش لازم تتم
إيه ياختى ده، اللى يشوف العرض والطول ميقولش عليه مهبول
وهو عامل شعره كده ليه عامل زى الكتكوت المبلول
لالالالالالالالا احنا عايزين راجل يا قطه راجل بمعنى الكلمه(موش ريش على مفيش)
الحمد لله أقنعنا البُنيه أنه مينفعش خالص
اللى فرسنى أكتر إنى لقيت العيال الشباب لابسين الى بيلمع ده وكله مسقط بنطلونه
والمحلات ايه شكلها وخده توكيل إفساد الزوق العام
الشباب بقه بيلمع وبيلبس زينا ،والله فيه شباب من ظهرها متعرفش ده ولد ولا بنت
لا حول ولا قوه الا بالله أستر ها يا رب
شبابنا بقه ما شى بيلمع
وفى كلامه بيدلع
طيب مين عنا يدافع
لو حد جه فينا وولع
وللفرسه بقيه