الامل
19-10-2008, 09:22 AM
السلام عليكم ورحمه الله وبركاته
يوميات مفروسه (الفرسه الكبرى)
كل سنه وانتم طيبين ومعيدين وفرحانين
فى كل سنه قبل رمضان ما ينتهى وخصوصا فى العشر الاواخر من رمضان
اللى المفروض أننا نموت نفسنا فى الطاعه والعباده علشان ليله القدر
وكمان علشان رمضان قرب يخلص ويا عالم بقه لسه قدامه سنه لما يهل تانى
ده اللى المفروض يحصل
لكن اللى بيحصل حاجه تانيه خالص وخصوصا أحنا يا ستات بنضيع وقتنا فى
1_اللف على المحلات لشراء ملا بس العيد وده ياخد له يومين
2_شراء لاوازم الكحك والغريبه والبيتيفور وغيرهم ال بيتيفور ال بيتي فور باى فور
وده يضيعله يوم
3_عمل الكحك والغريبه والبيتفور والانكشر والبسكوت والقراقيش هو العيد يبقى عيد من غير قراقيش وده يا خد له 3 ايام +قطم وسط
خلصنا بقه كده نتفرغ للعباده بقه؟ لا طبعا لسه
4_تنظيف الشقه وشيلها من تحت لفوق حتى فيه ناس بتفك الموبيليا وتشيل النجف وممكن
تدهن الحيطان وتركب سيراميك ، لحد ما يتهد حيل اللى فى البيت كلهم
يعنى العشره الاواخر ضيعين ضيعين، ولا حول ولا قوه لا بالله
ويجى العيد
والعيال يبهدلو الشقه بالكحك والبيتى فور باى فور يبهدل الدنيا والنمل ايه يبقى لركب
ولبس العيد يتبهدل ويبقع ويمكن يتقطع اه والله
بتبقى مدبحه موش عيد
واحنا بقه نقعد فى البيت فطسانين ما نتحركش من كتر التعب وهدت الحيل
فيها ايييييييييييه يعنى لما نجيب ملابس العيد قبل رمضان
فيها اييييييييييه لما نعمل صنف أو اتنين بس زى الكحك وصنف كمان معه
فيها اييييييييه يعنى لما ننظف الشقه برده بس فى يوم واحد بس او ممكن نجيب حد يساعدنا
وبعد العيد يا ستى ابقى شيلى الشقه ان شالله تفجريها وتبنيها من تانى
لكن نضيع ثواب العشر الاوخر فى كلام فاضى
موش حاجه تفرس والنبى
الى اللقاء فى فرسه اخرى
http://www.arb-up.com/files/arb-up-2008-6/P5Y44863.jpg (http://www.arb-up.com/)
يوميات مفروسه (الفرسه الكبرى)
كل سنه وانتم طيبين ومعيدين وفرحانين
فى كل سنه قبل رمضان ما ينتهى وخصوصا فى العشر الاواخر من رمضان
اللى المفروض أننا نموت نفسنا فى الطاعه والعباده علشان ليله القدر
وكمان علشان رمضان قرب يخلص ويا عالم بقه لسه قدامه سنه لما يهل تانى
ده اللى المفروض يحصل
لكن اللى بيحصل حاجه تانيه خالص وخصوصا أحنا يا ستات بنضيع وقتنا فى
1_اللف على المحلات لشراء ملا بس العيد وده ياخد له يومين
2_شراء لاوازم الكحك والغريبه والبيتيفور وغيرهم ال بيتيفور ال بيتي فور باى فور
وده يضيعله يوم
3_عمل الكحك والغريبه والبيتفور والانكشر والبسكوت والقراقيش هو العيد يبقى عيد من غير قراقيش وده يا خد له 3 ايام +قطم وسط
خلصنا بقه كده نتفرغ للعباده بقه؟ لا طبعا لسه
4_تنظيف الشقه وشيلها من تحت لفوق حتى فيه ناس بتفك الموبيليا وتشيل النجف وممكن
تدهن الحيطان وتركب سيراميك ، لحد ما يتهد حيل اللى فى البيت كلهم
يعنى العشره الاواخر ضيعين ضيعين، ولا حول ولا قوه لا بالله
ويجى العيد
والعيال يبهدلو الشقه بالكحك والبيتى فور باى فور يبهدل الدنيا والنمل ايه يبقى لركب
ولبس العيد يتبهدل ويبقع ويمكن يتقطع اه والله
بتبقى مدبحه موش عيد
واحنا بقه نقعد فى البيت فطسانين ما نتحركش من كتر التعب وهدت الحيل
فيها ايييييييييييه يعنى لما نجيب ملابس العيد قبل رمضان
فيها اييييييييييه لما نعمل صنف أو اتنين بس زى الكحك وصنف كمان معه
فيها اييييييييه يعنى لما ننظف الشقه برده بس فى يوم واحد بس او ممكن نجيب حد يساعدنا
وبعد العيد يا ستى ابقى شيلى الشقه ان شالله تفجريها وتبنيها من تانى
لكن نضيع ثواب العشر الاوخر فى كلام فاضى
موش حاجه تفرس والنبى
الى اللقاء فى فرسه اخرى
http://www.arb-up.com/files/arb-up-2008-6/P5Y44863.jpg (http://www.arb-up.com/)