الامل
06-10-2008, 05:58 PM
يوميات واحده مفروسه التالته
(سمعنا سمعت الرعد)
جمله سمعتها فى فيلم للعندليب الاسمر عبد الحليم حافظ و تخيلو لما جمله زى دى تتقال للعندليب
يبقى احنا بقه نقووووووووووووووول ايه
أصوات غريبه ،اللى صوته زى مايكون خارج من كعب رجله ،واللى زى ما يكون بالع ركبته
واللى صوته زى شكمان العربيه،
غنوا للحمار، فى الاغنيه الشهيره جدا (بحبك يا حمار)قلنا وماله يمكن عمل فيهم خدمه جليله
غنوا للفاكهه( العنب يا خويا العنب) وللخضار(الخيار الخيار الخيار)
قلنا معلش الجعان يحلم بسوق العيش،
طيب أنا بقه بحب السمك وها اغنى للسمك
السمك السمك السمك
بورى بلطى باربونى مكرونه
السمك السمك السمك
مقلى مشوى مسلوق صنيه
والله فى مصر بيغنو كده
الست أليسا بقه عملت أغنيه من فتره وكانت مكسره الدنيا، ومكنتش واخده بالى من كلماتها قوى ،لحد ما فى يوم
سمعتها كويس كانت بتقول ......ولحد ما الليل يليل ببقى عنده
وافضل فى عز البرد وياه بالساعات
إيه يا ست الهباب اللى بتقوليه ده،ده تحريض صريح على الانحلال
وشبابنا ما شاء الله ما بيصدق وينفذ على طول
ولا اللى بيغنى للتنوره القصيره قلنا عادى فولكلور
يقوم يقلك( انا شخصيا نسونجى)
طيب يا سيدى حصلنا القرف والله
وغير كده كتير بس الواحده موش عارفه تفضفض دى سمعه ناس برده
اللى بجد ليه موقف رغم اعتراضى على شياكته وزوقه الراقى فى الملابس
شعبان عبد الرحيم (شعبولا) والله يا جماعه الراجل ده أغانيه هادفه بتقول حاجه،
بيغنى للجيم وبيدعوا لترك الحشيش ، رساله ولا موش رساله
مبهدل امريكا وإسرائيل، يبقى رجل الساعه ولا لأ
ملهوش دعوه بفتيات الكليبات، يبقى رجل فاضل ولا إيه
وعلى رأى عمنا صلاج جاهين أو حسين السيد
موش فكره مين قال بالظبط
يا اهل المغنا دمغنا وجعنا دقيقه سكوت لله
إحنا شبعنا كلام ماله معنى يا عين وياليل ويا أه
http://www.arb-up.com/files/arb-up-2008-6/tGT04215.gif (http://www.arb-up.com/)
والى لقاء فى فرسه اخرى
(سمعنا سمعت الرعد)
جمله سمعتها فى فيلم للعندليب الاسمر عبد الحليم حافظ و تخيلو لما جمله زى دى تتقال للعندليب
يبقى احنا بقه نقووووووووووووووول ايه
أصوات غريبه ،اللى صوته زى مايكون خارج من كعب رجله ،واللى زى ما يكون بالع ركبته
واللى صوته زى شكمان العربيه،
غنوا للحمار، فى الاغنيه الشهيره جدا (بحبك يا حمار)قلنا وماله يمكن عمل فيهم خدمه جليله
غنوا للفاكهه( العنب يا خويا العنب) وللخضار(الخيار الخيار الخيار)
قلنا معلش الجعان يحلم بسوق العيش،
طيب أنا بقه بحب السمك وها اغنى للسمك
السمك السمك السمك
بورى بلطى باربونى مكرونه
السمك السمك السمك
مقلى مشوى مسلوق صنيه
والله فى مصر بيغنو كده
الست أليسا بقه عملت أغنيه من فتره وكانت مكسره الدنيا، ومكنتش واخده بالى من كلماتها قوى ،لحد ما فى يوم
سمعتها كويس كانت بتقول ......ولحد ما الليل يليل ببقى عنده
وافضل فى عز البرد وياه بالساعات
إيه يا ست الهباب اللى بتقوليه ده،ده تحريض صريح على الانحلال
وشبابنا ما شاء الله ما بيصدق وينفذ على طول
ولا اللى بيغنى للتنوره القصيره قلنا عادى فولكلور
يقوم يقلك( انا شخصيا نسونجى)
طيب يا سيدى حصلنا القرف والله
وغير كده كتير بس الواحده موش عارفه تفضفض دى سمعه ناس برده
اللى بجد ليه موقف رغم اعتراضى على شياكته وزوقه الراقى فى الملابس
شعبان عبد الرحيم (شعبولا) والله يا جماعه الراجل ده أغانيه هادفه بتقول حاجه،
بيغنى للجيم وبيدعوا لترك الحشيش ، رساله ولا موش رساله
مبهدل امريكا وإسرائيل، يبقى رجل الساعه ولا لأ
ملهوش دعوه بفتيات الكليبات، يبقى رجل فاضل ولا إيه
وعلى رأى عمنا صلاج جاهين أو حسين السيد
موش فكره مين قال بالظبط
يا اهل المغنا دمغنا وجعنا دقيقه سكوت لله
إحنا شبعنا كلام ماله معنى يا عين وياليل ويا أه
http://www.arb-up.com/files/arb-up-2008-6/tGT04215.gif (http://www.arb-up.com/)
والى لقاء فى فرسه اخرى