الامل
27-08-2008, 10:52 PM
هل تذكرون الام صاحبه الحوار الاول هى وابنتها
رحت عندهم ازورهم ووقعدت الام تشتكى لى من ابنتها الكبيره
وانها موش عارفه تغيرها وتغير طريقه لبسها ونفسها ومنى عينها ان بنتها ترتدى الحجاب
وهى بتحكى ومقهوره يا حبه عينى دخلت بنتها الصغيره والام بقه هات يا دلع
يا ختى كميله ،ننوسه عين مامااموت انا فى الشربات والسكر ده
طبعا لا تعليق على الدلع لكن اللى فرسنى وخلانى مقدرتش احط لسانى فى بقى
هو لبس البنت اللى كانت نزله الشارع تشترى حاجه
هى تقريبا كانت لبسه جيب طوله شبر واقطع
وبادى ملهوش أى ملامح يا دوب امسكه فى ايدى بدل المنديل
روحت مسحوبه من لسانى وقلتلها إنتى موش خايفه على بنتك وهى لبسه كده
قلتلى دى لسه صغيره يا حبيبتى
ال صغيره ال دى البنت عندها 12سنه وما شاء الله عليها قمر
قلتلها متزعليش منى صغيره ايه بس دى البنت ما شاء الله قربت تبقى طولك
وانتى كنتى لسه بتشتكى من الكبيره
مهو انتى لو خليتى بنتك من صغرها (متعوده دايما) على الطريقه ديه فى اللبس
موش ممكن ها تعرفى تغيرى ده فيها بعد ما تكبير لازم تبتدى من وهى صغيره
وتعلميها ان البنت لازم فى مرحله معينه تردى الحجاب لان دينا امرنا بكده
ويا ختى لو عجبك بنتك وهى لبسه كده يبقى فى البيت موش فى الشارع
ولا انتى موش واخده بالك من اللى بيحصل فى الدنيا
دا الست بتبقى كبيره وقرشانه وبتتعاكس حاجه تفلق والله
قلتلها ابتدى مع الصغيره واختارى لها اللى يستر ها
يمكن تنكسف الكبيره على دمها وتتحجب
ربنا يهدينا جميعا
قالوا للكبير مالك عوج
قال ملقتش حد يقلى عيب
كان نفسى زمان مره انضرب
من اهلى قبل ما يملانى الشيب
وللحديث بقيه
رحت عندهم ازورهم ووقعدت الام تشتكى لى من ابنتها الكبيره
وانها موش عارفه تغيرها وتغير طريقه لبسها ونفسها ومنى عينها ان بنتها ترتدى الحجاب
وهى بتحكى ومقهوره يا حبه عينى دخلت بنتها الصغيره والام بقه هات يا دلع
يا ختى كميله ،ننوسه عين مامااموت انا فى الشربات والسكر ده
طبعا لا تعليق على الدلع لكن اللى فرسنى وخلانى مقدرتش احط لسانى فى بقى
هو لبس البنت اللى كانت نزله الشارع تشترى حاجه
هى تقريبا كانت لبسه جيب طوله شبر واقطع
وبادى ملهوش أى ملامح يا دوب امسكه فى ايدى بدل المنديل
روحت مسحوبه من لسانى وقلتلها إنتى موش خايفه على بنتك وهى لبسه كده
قلتلى دى لسه صغيره يا حبيبتى
ال صغيره ال دى البنت عندها 12سنه وما شاء الله عليها قمر
قلتلها متزعليش منى صغيره ايه بس دى البنت ما شاء الله قربت تبقى طولك
وانتى كنتى لسه بتشتكى من الكبيره
مهو انتى لو خليتى بنتك من صغرها (متعوده دايما) على الطريقه ديه فى اللبس
موش ممكن ها تعرفى تغيرى ده فيها بعد ما تكبير لازم تبتدى من وهى صغيره
وتعلميها ان البنت لازم فى مرحله معينه تردى الحجاب لان دينا امرنا بكده
ويا ختى لو عجبك بنتك وهى لبسه كده يبقى فى البيت موش فى الشارع
ولا انتى موش واخده بالك من اللى بيحصل فى الدنيا
دا الست بتبقى كبيره وقرشانه وبتتعاكس حاجه تفلق والله
قلتلها ابتدى مع الصغيره واختارى لها اللى يستر ها
يمكن تنكسف الكبيره على دمها وتتحجب
ربنا يهدينا جميعا
قالوا للكبير مالك عوج
قال ملقتش حد يقلى عيب
كان نفسى زمان مره انضرب
من اهلى قبل ما يملانى الشيب
وللحديث بقيه